एजेन्सी, साउन-२४। आज टोकियो ओलम्पिक समापन हुने भएको छ।
गत जुलाई २३ मा औपचारिक उद्घाटन भएको ओलम्पिक आज सकिन लागेको हो। नेपाली समय अनुसार उक्त समापन समारोह आज अपरान्ह ४ बजेर ४५ मिनेटमा सुरु हुने भएको छ । त्यस्तै आज ओलम्पिकको अन्तिम दिन ८ स्वर्ण पदकका खेल हुँदैछन्।
आज पुरुष म्याराथन, साइक्लिङ ट्याक, महिला ह्याण्ठबल, वाटर पोलो, महिला भलिबल जिम्न्यास्टिक, बक्सिङ र जम्पिङका खेल हुँदै छन्। हालसम्म टोकियो ओलम्पिकमा पदक तालिकामा ३८ स्वर्णसहित चीन अग्र स्थानमा रहेको छ। उसलाई अमेरिका ३६ स्वर्णसहित पछ्याइरहेको छ।
त्यसैगरी आज भएको पुरुष म्याराथनतर्फको स्वर्ण पदक केन्याली धावक एलिउड किपचोगेले जितेका छन् भने जम्पिङमा स्वीडेनले स्वर्ण जितिसेकेको छ।
