क्विन्सल्याण्ड, अस्ट्रेलिया। क्विन्सल्याण्डमा पछिल्लो २४ घण्टामा थप १० जनामा कोरोना भाइरसको संक्रमण पुष्टि भएको छ ।
गत २४ घण्टाको अवधिमा ४८ हजार २८ जनाको परीक्षण गर्दा उक्त १० संक्रमित फेला परेका हुन् भने हालसम्म परीक्षण गरिनेको कूल संख्या ३५ लाख ८८ हजार ८ सय ९२ पुगेको छ। त्यस्तै सोहि अवधिमा १५ हजार ८ सय १६ जनाले कोरोना विरुद्धको खोप लगाएका छन। यससंगै कोरोना विरुद्धको खोप लगाउनेको संख्या ९ लाख ७९ हजार ६ सय ५१ पुगेको छ।
त्यसैगरी आज थपिएका संक्रमित सहित कूल संक्रमितको संख्या १ हजार ८ सय ९६ पुगेको छ त्यस्तै सक्रिय संक्रमितको संख्या भने १३२ रहेको छ। अहिले पनि ७० जना व्यक्ति अस्पतालमा भर्ना छन । त्यस्तै १ हजार ७ सय २७ जना कोरोना संक्रमित निको भएका छन।