काठमाडौँ, साउन-२०। नेपालमा पछिल्लो २४ घण्टामा मात्रै थप ४ हजार १ सय ७ जना नयाँ व्यक्तिमा कोरोना भाइरसको संक्रमण देखिएको छ।
११ हजार ३ सय ५४ नमूनाको पीसीआर परीक्षण गर्दा २ हजार ९ सय ७५ जना र ४ हजार ९ सय ४४ जनाको एन्टीजेन परीक्षण गर्दा १ हजार १ सय ३२ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको हो। कुल १६ हजार २ सय ९८ जनाको नमूना परीक्षण गर्दा उक्त संख्यामा संक्रमित थपिएका हुन् । आज थपिएका संक्रमित सहित हाल देशभर सक्रिय संक्रमितको संख्या ३३ हजार ४६४ पुगेको छ ।
गत २४ घण्टाको अवधिमा देशभर ३५ जनाले कोरोना भाइरस संक्रमणकै कारण ज्यान गुमाएका छन। यससँगै नेपालमा कोरोना संक्रमणका कारण ज्यान गुमाउनेको संख्या ९ हजार ९ सय ५७ पुगेको छ । त्यसैगरी बुधवार मात्र १ हजार ५ सय ३५ जना निको भएका छन यो संगै हालसम्म ६ लाख ६१ हजार ६ सय ५१ जना कोरोना संक्रमणबाट मुक्त भएका छन् ।
