एजेन्सी । नियमित कप्तान आरोन फिन्च चोटका कारण टोलीमा उपलब्ध नहुँदा बंगलादेशविरुद्ध पाँच टि२० आई सिरिजमा अष्ट्रेलिया कप्तानी विकेटकिपर ब्याट्सम्यान म्याथ्यु वेडले गर्ने भएका छन् ।
दुई साता अघि वेस्टइन्डिजसँगको पाँच टि२० आई सिरिजको क्रममा फिन्च घाइते भएपछी उपकप्तान वेडले टि२० आई कप्तानी जिम्मेवारी पाएका हुन् । नियमित उपकप्तान प्याट कमिन्सलाई विश्राम दिएको थियो ।
जसको कारण वेस्टइन्डिजसँगको तीन ओडिआईमा सिरिजमा विकेटकिपर एलेक्स केरीले कप्तानी निर्वाह गरेका थिए । केरी ओडिआई टोलीका उपकप्तान थिए । म्याथ्यु वेड टि२० आई टोलीको उपकप्तान हुँदा कप्तानी जिम्मेवारी पाएका हुन् । वेड अष्ट्रेलिया ११ औं टि२० आई कप्तान बन्ने छन् । वेडले घरेलु क्रिकेटमा भने लगातार कप्तानी गर्दै आएका छन् ।
बिग ब्यासमा वेडले होबर्ट हरिकेन्सबाट कप्तानी गर्ने गर्दछन् । भिक्टोरिया र तास्मनियाबाट घरेलु क्रिकेटमा कप्तानी गर्ने गर्दछन् । बंगलादेश र अष्ट्रेलियाबीचको पहिलो टि२० आई खेल मंगलबार हुने छ । दोस्रो खेल बुधबार, तेस्रो खेल शुक्रबार, चौथो खेल शनिबार र पाँचौं तथा अन्तिम खेल सोमबार हुने छ । सबै खेल बंगलादेशको शेर इ बंगला नेशनल स्टेडियम ढाकामा सुरु हुने छ । अष्ट्रेलिया प्रमुख खेलाडी स्टिभ स्मिथ, फिन्च, डेविड वार्नर, मार्कस स्टोइनिस, ग्लेन म्याक्सवेल र प्याट कमिन्स लगायतका प्रमुख खेलाडी नहुँदा केहि दबाबमा देखिन्छ। त्यस्तै आगमी अक्टोबर नोभेम्बरमा यूएई र ओमानमा हुने टि२० विश्वकपको लागि यस सिरिज दुबै टोलीलाई निकै महत्वपूर्ण रुपमा हेरिएको छ ।
