अस्ट्रेलिया। गएराति दक्षिण पुर्वी कुइन्सल्याण्डमा कोरोना भाइरसका थप १५ जना नयाँ व्यक्तिमा संक्रमण पुष्टि भए लगतै त्यहाँ लकडाउनको अवधि थप गरिएको छ ।
कुइन्सल्याण्डमा गएराती थप १५ वटा कोरोना संक्रमित पुष्टी, दुइ वटा विदेशबाट आएको व्यक्तिमा संक्रमण भेटिएको हो । प्राप्त जानकारी अनुसार आगामी अगष्ट ८ तारिख आइतबार साझ ४ बजेसम्मका लागि लकडाउन थप गरिएको हो ।
यो पनि पढ्नुहोस:- हाल कोरोना भाइरस संक्रमण रोकथाम तथा नियन्त्रणका लागि अस्त्रलिया पनि लकडाउनको अवस्थामा रहेको छ। डेढ वर्षदेखि अष्ट्रेलियाले सिमा बन्द गरेको छ । अष्ट्रेलिया फर्कन चाहने विद्यार्थीहरु तथा विदेशीहरु अझै पनि अन्यौलमा रहेका छन् ।
यसैबीच ८० प्रतिशत जनताले खोप लगाएपछि मात्रै सिमानाका खोल्ने र लकडाउन पुर्णरुपमा हटाउने अष्ट्रेलियाका प्रधानमन्त्री स्कट मोरिसनले बताएका छन् । अष्ट्रेलिया सरकारले अहिलेसम्म १४ प्रतिशत जनसंख्यालाई खोप दिएको छ। यो वर्षको अन्तिम सम्ममा ८० प्रतिशत जनसंख्यालाई भ्याक्सिन दिने लक्ष्य रहेको उनले बताएका छन् ।