eNepal

प्रधानमन्त्री देउवाद्वारा सदनमा दुई प्रतिवेदन पेश

काठमाडौँ , साउन-८। प्रधानमन्त्री शेरबहादुर देउवाले प्रतिनिसभामा ‘महालेखा परीक्षको ५७ औँ वार्षिक प्रतिवेदन २०७७’ सभा समक्ष पेश गर्नु भएको छ।

देउवाले सदनसमक्ष उक्त प्रतिवेदन पेश गर्नुभएको हो भने राज्यव्यवस्था तथा सुशासन समितिका सभापति शशी श्रेष्ठले ‘कारागार विधेयक सम्बन्धी समितिको प्रतिवेदन, २०७८’ पनि सदनमा पेश गर्नुभएको हो।

प्रतिनिधिसभाको अर्को बैठक यही साउन १२ गते मङ्गलबार दिनको १ः०० बजे बस्ने भएको छ।

यो पनि पढ्नुहोस:- फ्लोर क्रस गर्दै प्रधानमन्त्री शेरबहादुर देउवालाई मत दिनुलाई अक्षम्य अपराधको संज्ञा दिएका नेकपा एमालेका अध्यक्ष केपी शर्मा ओलीले बाटो बिराएका नेताहरुलाई ‘आममाफी’ दिने घोषणा गरेका छन् ।

पुष्पलाल स्मृति दिवसको अवसरमा बिहीबार आयोजित कार्यक्रममा ओलीले भनेका छन्, ‘ बाटो बिराएका भडि्कएका साथीहरुलाई पनि आग्रह गर्न चाहन्छु, यस पार्टी र आन्दोलनको एकताका लागि पुष्पलाललाई सम्झिएर भन्न चाहन्छु, सबैलाई एम्नेष्टी इज ग्रान्टेड । उनले अघि भनेका छन्, ‘जे सुकै भएको होस्, एम्नेष्टी । आउनुस् मिलेर काम गरौं ।’ झण्डै एक घण्टा लामो सम्बोधन गरेका ओलीले एमालेलाई कसैले रोक्न नसक्ने बताए ।

पुष्पलालले रोपेको र मदन भण्डारीले स्याहार सुसार र प्रवलीकरण गरेको भन्दै उनले भने, ‘यो कर्कलोको पातको पानी होइन, कसैले हल्लाउँदैमा भुँइमा खस्छ ।’ निवर्तमान प्रधानमन्त्री समेत रहेका ओलीले आफ्नो पार्टी नेतृत्वको सरकार ढाल्न दुनियाँ लाग्दा पनि खुट्टा समेत हल्लाउन नसकेपछि अदालतको परमादेशबाट हराइएको बताए ।

त्यसका बाबजुद एमाले स्थानीय तह, प्रदेश र संघीय संसदमा प्रमुख शक्ति रहेको भन्दै उनले भने, ‘देशको प्रमुख राजनीतिक शक्ति हो, लोकतान्त्रिक आन्दोलनको प्रमुख राजनीतिक धार हो ।’

Related posts

श्राद्ध सम्बन्धि केहि वैदिक सनातन नियम

Manoj Poudyal

संविधान दिवसको अवसर पारेर सपना रोक्का मगर, बिष्णु माझी देखी प्रचण्ड पत्नीलाई पदक

Manoj Poudyal

रोयल वेस्टर्न क्लबको छैठौ वार्षिकोत्सव समारोह सम्पन्न

Manoj Poudyal

चिर्पटले हानेर ६ जनाको हत्या गरेको बयान दिए मृतक परिवारको नजिँकका आफन्त लोकबहादुरले

Manoj Poudyal

तिजको मुखमै घरमा तिजको कोशेली आईपुग्दा माइतीदेशनै बिर्साइ दियो

Manoj Poudyal

मौलिकता झल्कने तीजका गीतमा छमछमी नाचे डेभनपोर्टका नेपालीहरु

Manoj Poudyal