eNepal

अर्जेन्टिनालाई २८ वर्ष पछि कोपा अमेरिकाको उपाधी

अर्जेन्टिनाले २८ वर्षको पछि कोपा अमेरिकाको उपाधि जित्न सफल भएकोछ।आइतबार बिहान भएको फाइनल खेलमा साविक विजेता तथा आयोजक ब्राजिललाई १–० ले पराजित गर्दै अर्जेन्टिनाले उपाधि जितेको हो ।

यस उपाधिसँगै अर्जेन्टिनाले सर्वाधिक १५ पटक कोपा जित्ने उरुग्वेको कीर्तिमान समेत बराबरी गरेको छ । सन् १९९३ पछि अर्जेन्टिनाले पहिलो पटक कोपाको उपाधि जितेको हो । २८ वर्षमा अर्जेन्टिनाले जितेको यो कुनै पनि ठूलो उपाधि समेत हो ।

त्यसयता अर्जेन्टिनाले चार कोपा फाइनल एक विश्वकप फाइनल र दुई कन्फ्रेडेरेसन कप फाइनल गरी कुल ७ फाइनल खेले पनि सबैमा पराजित भएको थियो ।

यो लियोनल मेसीका लागि अर्जेन्टिनी सिनियर राष्ट्रिय टोलीबाट पहिलो उपाधिसमेत हो । यसअघि सन् २०१४ को विश्वकप तथा सन् २०१५ र ०१६ को कोपा अमेरिकामा अर्जेन्टिनालाई फाइनलमा पुर्‍याका मेसी उपाधिबाट चुकेका थिए । 

आफ्नो खेल जीवनको उत्तरार्द्धतर्फ पुगेका मेसीका लागि यो उपाधि अर्थपूर्ण छ । क्लब फुटबलमा धेरै कीर्तिमान आफ्नो नाममा बनाएका उनले आफ्नो खेल जीवनमा राष्ट्रिय टोलीबाट मात्रै उपाधि जित्न सकेका थिएनन् ।  ब्राजिलको माराकाना स्टेडियममा भएको फाइनल खेलमा अर्जेन्टिनालाई यो महत्पूर्ण जित दिलाउन खेलको पहिलो हाफमा एञ्जेल डी मारियाले गरेको एक मात्र गोल पर्याप्त बन्यो । 

मेसी प्रतियोगिताको सर्वोत्कृस्ट खेलाडीसमेत घोषित भए । उनी प्रतियोगिताको सर्वाधिक गोलकर्ता पनि हुन्।

Related posts

श्राद्ध सम्बन्धि केहि वैदिक सनातन नियम

Manoj Poudyal

टिम नेपालले यस बर्ष पनि रेनेगेड्स च्याम्पियन्स लिगमा भाग लिदै

Manoj Poudyal

संविधान दिवसको अवसर पारेर सपना रोक्का मगर, बिष्णु माझी देखी प्रचण्ड पत्नीलाई पदक

Manoj Poudyal

रोयल वेस्टर्न क्लबको छैठौ वार्षिकोत्सव समारोह सम्पन्न

Manoj Poudyal

चिर्पटले हानेर ६ जनाको हत्या गरेको बयान दिए मृतक परिवारको नजिँकका आफन्त लोकबहादुरले

Manoj Poudyal

तिजको मुखमै घरमा तिजको कोशेली आईपुग्दा माइतीदेशनै बिर्साइ दियो

Manoj Poudyal