eNepal

म विदेश जानु अघि: पवन न्यौपाने

म विदेश जानु अघि –पवन न्यौपाने

जान्छुनी आमा विदेश अब म धन कमाउन
गर्छु नि दु: ख तरेर सागर खुसीले रमाउन

ऋण छ आमा के गरी तिर्नु साँहुले कराउछ
नसके तिर्न मार्छकी भनि मेरो मन डराउछ

एक दुइ वर्ष गरुला दु :ख फर्केर आउला
साहुँको ऋण तिरी गाउँ छाडी सहरमा जाउला

म विदेश पुगेपछि

रैछ नि दु :ख ए मेरो आमा भनेको मानिन
रुदै छु एक्लै सम्झेर तिम्लाई भुल भयो जानिन

एक दुई महिना गरेर दु :ख आउने छ घरैमा
गुन्द्रुक र ढिडो पकाई खाउला त्यही कालो कराईमा

जे जति दु :ख गर्नेछु अब म आफ्नै देशमा
रमाउन सिक्छु अब म संधै त्यो आफ्नै भेषमा

सरकारले पनि बुझिदेउ अब लगाइदेउ हामीलाई काम
पसिना रगत यही देशमा बगाई राख्दछौ देशको नाम
जय नेपाल।