eNepal

मेलबर्नको उत्तरी क्षेत्र उलर्टका एकजनामा कोरोना पुष्टि

मेलबर्न। मेलबर्नको उत्तरी क्षेत्रमा अवस्थित उलर्टका एकजना बासिन्दामा कोरोना भाइरस संक्रमण पुष्टि भएको छ।

भिक्टोरियाको स्वास्थ्य विभागका अनुसार उलर्टका ३० वर्षीय व्यक्तिमा कोरोना पुष्टि भएको हो। साउथ अष्ट्रेलियामा क्वारेन्टीनमा बसेका निज व्यक्तिलाई त्यहीँ कोरोना सरेको हुनसक्ने अनुमान रहेको छ ।

गत मंगलबार मात्र साउथ अष्ट्रेलियाबाट मेलबर्न आएका उनी सिधै घर गएका थिए । शनिबारदेखि केही लक्षणहरु देखिन थालेपछि सोमबार परीक्षण गराएका उनलाई कोभिड १९ पोजेटिभ देखियो । त्यसपछि एकिन गर्नका लागि थप परीक्षणहरु गरिएको स्वास्थ्य विभागले जनाएको छ।

त्यसैगरी अहिले उक्त व्यक्तिले कहाँ कहाँ गएका थिए भन्ने अनुसन्धानको लागि सोधपुछ भइरहेको छ । निज व्यक्तिसँगै घरमा बसोबास गर्नेहरुलाई पनि क्वारेन्टीनमा लगिसकिएको छ । त्यस्तै साउथ अष्ट्रेलियाका स्वास्थ्य अधिकारीहरुले गएको मे ४ तारिखका दिन निज व्यक्ति क्वारेन्टीन पूरा गरी बाहिर निस्किएको पुष्टि गर्दै त्यही दिन नै भिक्टोरिया गएको बताएका छन्।

Related posts

बेलायत र अष्ट्रेलिया बीच व्यापार सम्झौता: अब यी सामानहरु सस्तोमा अस्ट्रेलिया पुग्ने

Dev Chapagain

उपचार पछि निको भए भिक्टोरियाका प्रिमियर एन्ड्रयू, अबको केही साताभित्र काममा फर्कने

Dev Chapagain

रोशन धौभडेलको म्युजिक भिडियो “मन दुख्यो” सार्वजनिक

Manoj Poudyal

विश्वकप २०२२ छनोट अन्तर्गत नेपाल र अस्ट्रेलीया भिड्दै

Manoj Poudyal

दिदीबहिनीको साथमा मदर्श डे रिट्रिट र सम्झनाका लहरहरू

Manoj Poudyal

अस्ट्रेलियमा मुसा बन्यो अर्को समस्या, किसानलाई पर्यो ठूलो मर्का

Dev Chapagain