eNepal

प्रदेशमा मातातिर्थ औंशी !!

मैले आमाको भिडीयो र फोटोबाट मात्र मुख हेर्न पाएको, यो लगातारको चौथो बर्ष हो । अर्थात फेसबुकको वालमा आमाको फोटो मात्र अपलोड गरेको।

यी बर्षभन्दा पहिला कहिल्यै आमाको मुख हेर्न फेसवुक र भिडीयोको सहायता लिन पर्दैनथ्यो। सधैं बिहान उठेर आमाको मुख-मिठा गरेर, सगैं सेल्फी लिएर मात्र दिन सुरू हुन्थे। र त्यही ताजा सेल्फी नै पोस्टिन्थ्यो जता जता पोस्ट्याउन पर्ने हो, सबैतिर। सोसल मिडियामा एक दिन मात्र अरूलाई देखाउन देखावटी सेलिब्रेसन किन गर्न पर्यो भन्ने आदर्शवादीको ठूलै लाम पनि छ। तर त्यस्ता कुराले छुदैन मलाई, मातातीर्थ औंसीको दिन। उनीहरूलाई के थाहा, मेरी आमाले म संग बोल्नलाई नै फेसबुक चलाउन सिक्नु भयो भनेर। मलाई लाग्छ, जायज कुराहरू जुन सुकै ठाउँ र समयमा पनि स्वीकार्य हुन्छन्।

हिजो मात्र नेपालबाट आमाको फोन आयो र भन्नु भयो ‘बाबु अब त आमाको मुख हेर्ने दिन पनि आयो, तिमी र म अहिले पनि संगै नहुने भयौं’ … म स्तब्ध भएँ। यो कुराले मेरो मन र शरिरमा अर्कै तरंग ल्याईदियो। मातातीर्थ औंसीमा मेरी आमालाई छोराको मुख हेर्न पाईएन भनेर मलाई भन्दा बढी चिन्ता छ।

साच्चिनै आमाको माया न लेखेर सकिन्छ न देखेर सकिन्छ। घर छोडेर परदेश आएको पनि ३ बर्ष नाघि सकेछ। मलाई बारम्बार म आएको दिन, महिना र बर्ष बढि लाग्न थाल्यो। यसरीनै म जस्तै दिन र महिना गन्नेहरूको कमि छैन यहाँ। कसैले धेरै नै गनिसके होलान् त कसैले बल्ल सुरू गर्दै, जति गरेको भएनि आखिर पिडा एउटै छ ।

दूरी टाढा भएपनि मन र भावना सँगै छ, आमा। सपना एउछै छ। छिट्टै भेट हुने आशा सहित…
मातृ देवो भव:

Related posts

अस्ट्रेलियामा नेपाली फुटबलको बिकासका बिषयमा समुदायका सदस्यहरुबीच अन्तरक्रिया

Manoj Poudyal

गुल्मी समाज भिक्टोरीयाको अध्यक्षमा चुनीए माधव खरेल, साधारण सभा भने ५ डिसेम्बरमा हुँदै

Manoj Poudyal

तमु समाज भिक्टोरीयाद्वारा कोभिड-१९ को माहामारीमा गरेका कामको प्रतिवेदन सार्वजनिक

Manoj Poudyal

जिएनएले सिटी अफ ग्रेटर जिलोङबाट पायो अनुदान, सामाजिक कल्याणका कार्यमा खर्च गरिने

Manoj Poudyal

अष्ट्रेलीयाको संघीय सरकारद्वारा १५ डिसेम्बरसम्म अन्तर्राष्ट्रिय आगमनमा रोक

Manoj Poudyal

सिड्नी भित्रीएका दुई यात्रुमा कोभिड-१९ को नयाँ भेरिन्ट ओमिक्रोन भएको पुस्टी

Manoj Poudyal