भ्यालेन्टाईनमा मायाँ बाड्न सविन राई मेल्बोर्न आउँदै (प्रोमो भिडीयो सहित)

फेब्रुअरी भने पछि मायाँलुहरुको चहलपहल अलिक बढि हुने महिना। चौध फेब्रुअरी प्रणय दिवसको अघिल्लो रात मेल्बोर्नमा रहेका मायाँलुहरुलाई रङ्गीन रातको अनुभव दिलाउन हैट क्रियसन एन्ड ईन्टर्टेन्मेन्टले “तिमीनै हौ” भ्यालेन्टाईन बिशेष कार्यक्रम आयोजना गर्ने भएको छ।मेल्बोर्नको क्राउन थेरापी नाईट क्लबमा १३ फेब्रुअरीमा हुने यो कार्यक्रमलाई साथ दिन नेपाली पप सङ्गीतको दुनियाँमा चिरपरिचीत नाम सविन राई र उसको व्यान्ड आउने भएको छ।

धरानका सविन राई कुनै अपरिचीत नाम पक्कै होईन।गायक तथा रचाईता सविन राईलाई नेपालको ब्राईन एडम्सपनि भन्ने गरिन्छ।सतह-२ समाबिस्ट कोमल त्यो तिम्रो बोलको गीतबाट एकाएक चर्चामा आएका सविन राईले उल्लेख्य मात्रामा राम्रा गीतहरु रहेका छन्। गुराँसको फेद मुनी, मायाँ, म सँसार जित्ने आँट, कालो कालो रात जस्ता मायाँलु भावनाले ओतप्रोत भएका गीतहरु दर्शक श्रोताहरुको मनमा बस्न सफल गीतहरु हुन्। उनले हाल सम्म नाईन्, सतह, सविन राई रिमीक्स, सतह -२, रङ्ग मन्चको रङ्ग बजारमा ल्याई सकेका छन् ।

रङ्गीन साँझलाई अझ बढि रमाईलो बनाउन रेड कार्पेट फोटोसुट लगायत डिजे नाईट पनि हुने भएको छ।जेन माईग्रेसन एन्ड एजुकेसनको मुख्य प्रायोजक रहेको यस कार्यक्रमको प्रवेश शुल्क हाललाई $२५ राखिएको छ भने कार्यक्रम हुने दिन $४० रहने आयोजकले जनाएको छ।