eNepal

नेपाल कन्सुलेट भिक्टोरीयाको १२ औं वार्षिकोत्सवको अबसरमा राष्ट्रिय गीत सार्बजनिक

भिक्टोरीयाकोलागि नेपाली महावाणिज्यदूत कार्यलयले आफ्नो १२ वार्षिकोत्सव र छठ पर्वको अवसर पारेर ‘चन्द्र सूर्य अंकीत मेरो देश’ बोलको राष्ट्रिय गीत सार्वजनिक गरेको छ।

पत्रकार एवम् साहित्यकार निरु त्रिपाठीको शब्द, वरिष्ठ संगीतकार न्ह्यू बज्राचार्यको संगीत र नेपाल आइडल सिजन २ की प्रतियोगी र पछिल्लो समयकी लोकप्रीय गायिका अस्मिता अधिकारीको स्वरमा रहेको  रास्ट्रिय गीत अधिकांश मेल्वर्नमा नै छायाङ्कन गरिएको छ। गीतको भिडीयो जिवन रसाईलीले निर्देशन गरेका हुन्।उक्त गीतमा मेल्वर्नकै नवकलाकारहरु समृद्धि (शाम) हाडा, राहुल गजमेर तथा समुदायका अन्य भाइबहिनीहरुले अभिनय गरेका छन्।

महावाणिजयदूत चन्द्र योन्जनले नेपाली भाषा, संस्कृती, पर्यटन र व्यवसाय प्रबर्धन गरि रहँदा नेपाली गीत सङ्गीतको पनि प्रबर्धन गर्नु पर्छ भन्ने हेतुले अहिलेको परिस्थितीलाई मध्यनजर लगाउँदै उक्त देशभक्ती गीत प्रस्तुत गरेको बताउनु भयो। 

कार्यलयले हरेक बर्ष नेपाल पर्यटन प्रबर्धन गर्दै आएपनि यसपाली भने कोरोनाको महामारीले त्यो सम्भव नहुँदा संगीतबाट भएपनि देशको प्रबर्धन गरौ भनेर उक्त रास्ट्रिय गीत निकालिएको जानकारी गराउनु भयो। हामी सँसारको जहाँ जसरि रहेपनि मातृभूमीको माया र महत्व सधै विशेष रहने उहाँको धारणा रहेको छ।

महावाणिज्यदूत कार्यलयको जनसम्पर्क अधिकृत तथा सचीव समेत रहेकी गीतकार निरु त्रिपाठीको बजारमा आएको यो दोश्रो गीत हो। विदेशमा बसिरहँदा पनि स्वदेशलाई महसुस गरेर रास्ट्रिय गीत लेख्दा मनमा एकदमै आनन्द लाग्ने उनले बताइन्।

देशभक्तिले ओतप्रोत भएको यस गीत महावाणिज्यदूत कार्यलयले आफ्नो देश नेपाल, विश्वको हरेक कुनामा बस्ने समस्त नेपालीहरु र आफ्नो मातृभूमि नेपाल प्रति प्रेम र सम्मान माया गर्ने सबै शुभचिन्तकहरु प्रति समर्पित गरेको छ।

Related posts

न्याभको नयाँ कार्यसमितीले पायो पूर्णता

Manoj Poudyal

नेपाल फेस्टिबल मेल्वर्नमा नै मैले मेरो मायालाई भेटेको हुँः कन्दरा गायक विवेक श्रेष्ठ

Manoj Poudyal

एक दिनको अवधिमा सम्रग नेपाललाई प्रतिनिधित्व गराउने महोत्सव हो नेपाल फेस्टिभल: ऋषि कँडेल

Manoj Poudyal

कला भिक्टोरीयाले रक्षा वन्धन एवम् जनै पुर्णिमा मनाउँदै

Manoj Poudyal

नेपाल फेस्टीभल पछिल्लो पुस्तालाई नेपाल चिनाउने एउटा उत्सवको रुपमा मान्छु -समाजसेवी बम योन्जन

Manoj Poudyal

समाज र समूदायको साथमा छौं भन्नका लागि यो निर्णय गरेका हौं-इन्द्र गुरुङ्ग ब्लूबेरी रियलस्टेट

Manoj Poudyal