eNepal

सुपर ओभरमा मुम्बईलाई पराजित गर्दै पन्जाबको १३औं संस्करणमा तेश्रो जित

एजेन्सी -इन्डियन प्रिमियर लिग (आईपीएल) अन्तर्गत आफ्नो नवौं खेलमा किंग्स ११ पन्जाबले मुम्बई इन्डियन्सलाई दोश्रो सुपर ओभरमा पराजित गर्दै १३औं संस्करणमा तेश्रो जित हात पारेको छ ।

दोश्रो सुपर ओभरमा पहिले ब्याटिङ गरेको मुम्बईले ११ रन बनाउन सक्यो भने १२ रनको लक्ष्य लिएर ब्याटिङमा आएको पन्जाबले चार बल खेल्दै जित दर्ता गर्यो ।

पहिलो सुपर ओभरमा पन्जाबले पाँच रन मात्र बनाउन सक्यो भने पाँच रनको लक्ष्य लिएर जवाफी ब्याटिङ गरेको मुम्बईले पनि पाँच रन नै बनाउंदा खेल दोश्रो सुपर ओभरमा पुग्यो ।

जितका लागि १७७ रनको चुनौती लिएर ब्याटिङ गर्न आएको पन्जाबले पुरै २० ओभर खेल्दै छ विकेटको नोक्सानीमा १७६ रन बनाउन सके पछि खेल सुपर ओभरमा गएको हो ।

पन्जाबको लागि कप्तान केएल राहुलले सर्वाधिक ७७ रन बनाए । ओपनिङमा आएका राहुल १७ दशमलब तीन ओभरमा जस्प्रित बुम्राको बलमा बोल्ड हुनु अघि ५१ बलको सामन गर्दै सात चौका र तीन छक्का प्रहार गरे । आजको खेलमा राहुलले यस सिजन आफ्नो व्यक्तिगत रन संख्या पनि पाँच सय कटाए ।

राहुल पेभेलियन फर्किंदा पन्जाबलाई जितका लागि १५ बलमा २४ रन आवस्यक रहेको अवस्थामा दिपक होडा र क्रिस जोर्डनले छैठौं विकेटका लागि मात्र २३ रन जोड्न सक्दा खेल सुपर ओभरमा गयो । अन्तिम बलमा दुई रन चाहिए पनि आठ बलमा १३ रन प्रहार गरेका जोर्डन रन आउट हुँदा पन्जाब रोमान्चक जित दर्ता गर्नबाट बन्चित रह्यो । अविजित रहेका होडाले १६ बलमा २३ रन बनाए ।

पन्जाबका अन्य ब्याट्सम्यानमा मायंक अगरवाल ११, क्रिस गेल २१ बलमा २४ रन, निकोलस पुरण १२ बलमा २४ रन, ग्लेन म्याक्सवेल दुई बल खेल्दै डक आउट भए ।

Related posts

सुरु भयो धमाका २०७९ अष्ट्रेलिया टूर, सात शहरमा कार्यक्रम हुँदै

Manoj Poudyal

काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहको अग्रता कायमै

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

विदेशबाट नेपाल आउने स्वदेशी तथा विदेशीसँग खोप कार्ड भए पीसीआर रिपोर्ट नचाहिने

Manoj Poudyal

अभिनेता पल शाह आफैं प्रहरीसमक्ष उपस्थित हुँदै

Manoj Poudyal

न्याभ एक्सिलेन्सी अवार्ड हुँदै, मनोनयन फारम भर्ने अन्तिम मिती ६ मार्च सम्म

Manoj Poudyal