eNepal

आज बस्ने मन्त्रीपरिषदको बैठकले कुलमान घिसिङलाई पुनः नियुक्ति गर्ने सम्भावना

काठमाडौँ – नेपाल विद्युत प्राधिकरणका प्रबन्ध निर्देशक कुलमान घिसिङको कार्यकाल भोलि आइतबार पूरा हुँदैछ । सरकारले समयमै प्रबन्ध निर्देशक नियुक्त नगरेमा सोमबारदेखि प्राधिकरण नेतृत्वविहिन हुनेछ । नेकपाका नेताहरुको विभाजित मानसिकता बीच घिसिङले फेरि नियुक्ति पाउलान् ? ऊर्जा मन्त्रालय स्रोत भन्छ – प्राधिकरणमा घिसिङलाई नै दोहोर्याउने तयारी भइरहेको छ ।

प्रधानमन्त्री केपी शर्मा ओली डाक्टर युवराज खतिवडालाई राष्ट्रिय सभामा दोहोर्याउन चाहन्थे । नेकपाका अर्का अध्यक्ष पुष्कमल दाहाल प्रचण्डको दबाब र पार्टी सनतुलनका कारण रिक्त पदमा उपाध्यक्ष वामदेव गौतमको नाम सिफारिस भयो ।

यता नेपाल विद्युत प्राधिकरणको प्रबन्ध निर्देशकमा कुलमान घिसिङलाई पार्टी अध्यक्ष प्रचण्ड र ऊर्जामन्त्री वर्षमान पुनले दोहोर्याउन चाहेको खबरहरु बाहिरिएका छन् । यस्तो परिस्थितिमा प्रधानमन्त्री ओली कुलमानका सम्बन्धमा सकारात्मक होलान् ?

लोडसेडिङ अन्त्य गरेको जस पाएका र जनतामा लोकप्रिय घिसिङको चार वर्षे कार्यकाल भदौं २८ गते आइतबार पूरा हुँदैछ । पार्टीका नेताहरुको मानसिकता विभाजित भइरहेको बेला अर्को चार वर्षे कार्यकालका लागि घिसिङ प्राधिकरणमा फेरि नियुक्त होलान् ? विश्वस्त स्रोतका अनुसार ऊर्जा,जलस्रोत तथा सिँचाई मन्त्रालयले घिसिङलाई नै दोहोर्याउने गरी प्रस्ताव तयार गरिरहेको छ ।

बिहीबार वा शुक्रबार बस्ने भनिएको मन्त्रिपरिषद नेकपाको स्थायी कमिटी बैठकका कारण बस्न सकेन । आइतबार बस्ने मन्त्रिपरिषदमा कुलमान घिसिङलाई आगामी चार वर्षे कार्यकालका लागि नियुक्त गर्ने गरी प्रस्ताव लगिँदैछ ।

सरकारमा रहेका प्रभावशाली मन्त्रीहरुले नियुक्तिमा आफन्तलाई प्राथमिकता दिएको तर राम्रो काम गरेर देखाउने घिसिङलाई प्राधिकरणमा दोहोर्याउन आलटाल गरिरहेको आम बुझाइ छ ।

घिसिङले आफ्नो कार्यकालमा ११ प्रतिशत चुहावट नियन्त्रण गरी प्राधिकरणलाई गत आर्थिक वर्षमा ११ अर्ब नाफामा पुर्याइदिए । उद्योगबाहेकबाट लोडसेडिङ पनि अन्त्य हुन पुग्यो ।

अर्कोतिर उनको कार्यकालमा प्राधिकरणको लगानीमा बनिरहेका कुनै पनि योजना पूरा भएनन् र प्राधिकरणको तर्फबाट राष्ट्रिय प्रशारणलाईनमा एक मेगावाट विद्युत पनि थप भएन । यो तथ्य छाडेर घिसिङको पक्षमा भइरहेको दबाबलाई प्रायोजित मान्नेहरु पनि छन् ।

प्राधिकरण सुधारमा महत्वपूर्ण भूमिका खेलका घिसिङ पुनः नियुक्त भएमा अधुरा योजना पूरा गर्ने अभिभारा उनीमाथि स्वतः पर्ने छ । आफन्त, चाकडीवाजलाई मात्रै सरकारले नियुक्ति बाँड्छ भन्ने जनधारणा बनिरहेको बेला, घिसिङ पुनः नियुक्त भएमा यसबाट सकारात्मक सन्देश नै जान सक्नेछ

Related posts

एनआरएनए भिक्टोरियाको अध्यक्षमा मणिरत्न सापकोटाको उम्मेद्वारी

Manoj Poudyal

लोकल स्पोर्टिङ्ग क्लब ब्लड च्यालेन्ज प्रोग्राममा रोयल वेस्टर्न्स क्लबले पायो यस्तो सफलता

Manoj Poudyal

एएनएमसीको वार्षीक साधारण सभा आउँदो आईतबार, गएको दुई बर्षमा भए यस्ता उदाहरणीय काम

Manoj Poudyal

आउँदो ४ सेप्टेम्बरका दिन मेल्बर्नमा गौरा पर्व मनाइदै

Manoj Poudyal

सुरु भयो धमाका २०७९ अष्ट्रेलिया टूर, सात शहरमा कार्यक्रम हुँदै

Manoj Poudyal

काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहको अग्रता कायमै

Manoj Poudyal

Notice: ob_end_flush(): failed to send buffer of zlib output compression (0) in /home/enepal/public_html/wp-includes/functions.php on line 5349