eNepal

अध्यागमन कानूनको उल्लघंन गरेको आरोपमा जापानमा दुई नेपाली पक्राउ

टोकियो । अध्यागमन कानूनको उल्लघंन गरेको आरोपमा जापानमा दुई नेपाली पक्राउ परेका छन् । जापानको इवाराकी केन स्थितअध्यागमन कार्यालयले नक्कली कागजपत्र बनाई आवास अनुमति लिन खोजेको आरोपमा एक महिला सहित अर्का एक पुरुषलाईपक्राउ गरेको जापानी समाचार संस्था एनएचके टेलिभिजन तथा अनलाइनमा खबर प्रकाशित छ ।

समाचारमा जनाइएअनुसार पक्राउ पर्नेमा ३८ बर्षिय दिपेन्द्र शाहनी र २२ बर्षिय सिर्जना बोहोरा छन् । शाहनीले गलत व्यहोरा उल्लेखितकागजपत्र बुझाएर बोहोरालाई आफ्नी छोरीका रुपमा भिसा दिलाएका थिए ।

गत मे महिनामा गलत कागजपत्र बनाई बसोबास अनुमति थप गर्नका लागि आवेदन दिएका उनीहरुको घटनालाई इबाराकी अध्यागमनकार्यालयले यस्तो प्रकृतिको घटना आफ्नो कार्यालयमा पहिलो भएको बताएको समेत समाचारमा उल्लेख छ ।

शाहनी हिताची शहरको हिगाशी तागाच्योमा रेष्टुरेन्ट व्यवसायमा संलग्न रहेको र उनले छोरीका रुपमा कागजात पेश गरेकी महिलाशाहनीकी पूर्वपत्नि तर्फकी साली रहेको समेत समाचारमा उल्लेख छ ।

तयार पारिएको नक्कली कागजातमा छोरीको नाम दिपिशा शाहनी राखिएको समेत समाचारमा उल्लेख छ । शाहनीले ओभरस्टे बसीपक्राउ परेका अरु ३ जना नेपालीहरुलाई पनि यसैगरि नक्कली नाता देखाई जापान भित्र्याएको विषयमा समेत छानविन भइरहेको छ ।

Related posts

गुल्मी समाज भिक्टोरीयाको अध्यक्षमा चुनीए माधव खरेल, साधारण सभा भने ५ डिसेम्बरमा हुँदै

Manoj Poudyal

तमु समाज भिक्टोरीयाद्वारा कोभिड-१९ को माहामारीमा गरेका कामको प्रतिवेदन सार्वजनिक

Manoj Poudyal

नेकपा एमालेको अध्यक्षमा केपी शर्मा ओली दोस्रो कार्यकालका लागि निर्वाचित

Manoj Poudyal

जिएनएले सिटी अफ ग्रेटर जिलोङबाट पायो अनुदान, सामाजिक कल्याणका कार्यमा खर्च गरिने

Manoj Poudyal

नेकपा एमालेको नयाँ नेतृत्व चयनका लागि मतदान जारी

Manoj Poudyal

अष्ट्रेलीयाको संघीय सरकारद्वारा १५ डिसेम्बरसम्म अन्तर्राष्ट्रिय आगमनमा रोक

Manoj Poudyal