टोकियो । इन्फ्लुएन्जाको मौसमलाई दृष्टिगत गरेर स्वास्थ्य मन्त्रालयले कोभिड–१९ को लक्षण देखा परेको व्यक्तिको परीक्षण र उपचार निर्धारण गर्ने प्रक्रियासंसोधन गरेको हो ।
अहिलेसम्म ज्वरो आएको वा खोकी लागेको आधारमा मानिसहरुलाई स्थानीय स्वास्थ्य कार्यालयमा सम्पर्क गर्ने सुझाव दिइन्थ्यो ।यहाँका कर्मचारीहरुले सो व्यक्तिको उपचार र परीक्षण स्वास्थ्य संस्थामा गर्ने कि नगर्ने भनेर निर्णय गर्थे । तर सेप्टेम्बर ४ मा सार्वजनिकगरिएको निर्देशिकामा भने व्यक्तिले परीक्षण र उपचार निर्धारित स्वास्थ्य संस्थामा गर्ने कि नगर्ने भन्नेबारे निर्णय गर्नु अघि आफ्नोपारिवारिक डाक्टरलाई फोन गरेर वा नजिकको स्वास्थ्य संस्थामा परामर्श लिन सक्नेछन् ।
पहिलो चरणको कोभिड–१९ को बेलामा परीक्षणको लागि अत्यधिक लामो समय कुर्नु पर्ने अवस्था उत्पन्न भएको थियो । यस पटकत्यस्तो खालको अवस्था टार्नका लागि प्रक्रिया परिवर्तन गरिएको हो । नयाँ प्रक्रिया छिटोमा अक्टोबरसम्ममा शुरु हुनेछ ।
यति बेला इन्फ्लुएन्जाको सिजन शुरु हुने र अस्पतालहरुमा मानिसहरुको भिड धेरै हुने भएकोले पनि सरकारले यस्तो कदम चालेको हो ।स्वास्थ्य मन्त्रालयले सोही दिन सबै प्रिफेक्चरका अधिकारीहरुलाई अक्टोबरको अन्त्य अघि नै उपर्युक्त स्वास्थ्य संरचना स्थापनाकोलागि सूचित गरिसकेको छ ।
प्रिफेक्चर सरकारले कोभिड–१९ र इन्फ्लुएन्जाको परीक्षण र उपचार गर्न सक्ने स्वास्थ्य संस्थाहरु निर्धारण गर्नेछन् । यी संस्थाहरुलाईसरलीकृत एन्टिजेन परीक्षण गर्ने अनुमति दिइनेछ । यसबाट पीसीआर परीक्षण भन्दा कम समयमै व्यक्तिलाई कोभिड–१९ लागेको छ किछैन भन्ने नतिजा प्राप्त हुनेछ । संदिग्ध व्यक्तिले फोनबाट आफ्नो पारिवारिक डाक्टरलाई सम्पर्क गरेपछि डाक्टरको क्लिनिक कोभिड–१९ को उपचारका लागि निर्दिष्ट मध्ये पर्दछ भने परीक्षण र उपचारका लागि त्यही नाम टिपाउन सक्नेछ । यदि होइन भने सो डाक्टरलेनिर्धारित संस्थाको नाम सुझाउनेछन् ।
निर्धारित स्वास्थ्य संस्थाको नाम सार्वजनिक गर्ने कि नगर्ने भन्ने निर्णय स्थानीय सरकारले गर्नेछ । प्रिफेक्चर सरकारले कोभिड–१९ कोउपचारका लागि सकेसम्म धेरै स्वास्थ्य संस्थाको नाम निर्दिष्ट गर्ने अपेक्षा आफूले गरेको स्वास्थ्य मन्त्री खाचुनोबु कातोले शुक्रबारबताएका थिए । निर्धारित स्वास्थ्य संस्थालाई आर्थिक सहायता उपलब्ध गराइने समेत उनले बताए ।