जापान :-जापानको मौसम विज्ञान एजेन्सीले चेतावनी दिंदै देशको दक्षिण पश्चिम क्षेत्रमा आउन लागेको हाईशेन ताईफु दशकौं यताको शक्तिशाली हुनसक्ने अनुमान गरेको छ ।
आइतवार र सोमबार दक्षिण पश्चिमी जापानका विभिन्न स्थानहरुमा प्रभाव पार्ने अनुमान गरिएको यो सिजनको दशौं नम्बर ताइफुबाट सुरक्षित रहन उपलब्ध श्रोत र साधनको अधिकतम प्रयोग गर्न मौसम अधिकारीहरुले आग्रह गरेका छन् ।
समय थोरै भएकाले सुरक्षित रहन चाँडो तयारी गर्न र केही दिनका लागि अत्यावश्यक वस्तुहरुको जोहो गर्न समेत भनिएको छ ।
जसमा नपकाई खान सकिने खाना, पानी, विद्युतिय सामग्री, स्वास्थ्य सामग्री, लगायत । ताईफुले सोचे भन्दा धेरै क्षती पुर्याउने सम्भावना रहेकाले केहीदिनका लागि अत्यावश्यक सेवा अवरुद्ध हुनसक्ने आशंका अधिकारीहरुले गरेका छन् ।
हाइशेन ताईफु शुक्रबार अपरान्ह जापानको दक्षिणमा रहेको छ बिहान पत्रकार सम्मलेन आयोजना गर्दै मौसम विज्ञहरुले ताइफु उत्तर–पश्चिमतिर अघि बढिरहेको र यसले केन्द्र भागमा १८० किलोमिटर क्षमता र २ सय ५२ किलोमिटर प्रतिघण्टा तेजगति क्षमताको बिनास निम्त्याउन सक्ने हावाहुरी बोकेको बताएका थिए ।
अघि बढ्ने क्रममा ताईफु थप शक्तिशाली हुने अनुमान गर्दै मौसम विद्धहरुले यसले हाल पूर्वानुमान गरिएको हिँड्ने बाटो सामान्य रुपमा फेर्नसक्ने अनुमान समेत गरेका छन् ।
यसको प्रभाब शनिवार विहान ओकिनावामा देखिने मौषमविदहरुको अनुमान छ ।
ओकिनावामा ताईफुले १८० किलोमिटर क्षमता र २ सय ५२ किलोमिटर प्रतिघण्टाको बिनासकारी रुप देखाउने अनुमान छ तर ओकिनावाबाट अघि बढ्दा यो थप शक्तिशाली हुने पूर्वानुमान गरिएको छ ।
ओकिनावामा ताईफुको छालहरु १३ मिटर माथीसम्म पुग्ने अनुमान गरिएको छ । जुन सामान्यतया बिनासकारी मानिने सुनामीको अवस्थामा बराबर हो ।
अधिकारीहरूले ओकिनावा र अमामी क्षेत्रहरूमा शनिबार आइतवार अधिकतम तयारी र गम्भिर सावधानी अपनाउन र यसको तयारी थालिहाल्न विशेष आग्रह गरेका छन् ।
यसैगरि ताईफु हाईशेनले आइतवार र सोमबार क्युशुमा मुसलधारे वर्षा सहिको प्रभाव देखाउने भएकाले सक्दो सुरक्षात्मक उपाय, अत्यावश्यक वस्तुको व्यवस्था र सुरक्षित स्थान तय गरेर बस्न नागरिक र स्थानिय निकायलाई गम्भिर रुपमा सचेत गराएका छन् ।
खागोशिमा र मियाजाकी क्षेत्रमा विशेषगरी ताईफुसँगै बाढी र डुबानको समस्या निम्तने भएकाले खोला, नदि, तथा तलाउ र गहिरो स्थानमा गम्भिर सावधानी अपनाउन भनिएको छ ।
हागिविस ताईफुलाई अधिकतम खतरा स्तरको क्याटोगोरी चारमा राखिएको थियो भने हाल ताईफुको वितण्डा रुप लिनुअघिनै हाईशेन ताईफुलाई पपनि क्याटोगोरी चारमा राखिएको छ ।