eNepal

नेइमारले खेलकुद सामग्री उत्पादन गर्ने चर्चित कम्पनी नाइकसँगको सम्झौता अन्त्य गर्ने

एजेन्सी- ब्राजिल तथा फ्रेन्च क्लब पिएसजीका स्टार फरवार्ड नेइमारले खेलकुद सामग्री उत्पादन गर्ने चर्चित कम्पनी नाइकसँगको सम्झौता अन्त्य गर्ने भएका छन् । सो कम्पनीसँग २८ वर्षीय नेइमारको १५ वर्ष लामो सम्झौता अन्त्य हुने भएको हो । ब्राजिलियन पत्रिकाका अनुसार नाइकसँग नेइमारको सम्झौता अगस्ट ३१ बाट औपचारिक रूपमा सकिनेछ ।

नेइमार र नाइकबीच नयाँ सम्झौताको रकममा सहमति नबन्दा सम्झौता अन्त्य भएको नाइकले जानकारी दिएको छ । नाइकसँग सकिएको सम्झौता गर्दा १५ वर्षका लागि ७८.६ मिलियनमा साझेदारी बनेको थियो । १५ वर्षअघि यो सझौता हुँदा नेइमार मात्रै १३ वर्षका थिए । उनले व्यावसायिक फुटबल सुरु नगर्दै नाइकले उनीसँग सम्झौता गरेका थिए । त्यसबीचमा एकपटक सम्झौता नवीकरण भएको थियो ।

नाइकसँग सम्झौता हुँदा नेइमार ब्राजिलकै क्लब सान्तोषको एकेडेमीमा थिए । नेइमार त्यसबेला युवा टोेलीमा चम्किरँदा सो क्लबका लागि नाइकले नै सामान उत्पादन गर्ने गर्थ्यो । पछि नाइकले नेइमारसँग लामो सम्झौता गरेको हो ।

रिपोर्टअनुसार नेइमार जर्मनीको खेलकुद सामाग्री उत्पादन गर्ने कम्पनी पुमासँग सम्झौता गर्ने तयारीमा छ । नाइकसँग सम्झौता अन्त्य भएपछि अब त्यसको घाटा क्लब पिएसजीलाई पनि पर्नेछ । नेइमार बार्सिलोना छाडेर पिएसजी गएदेखि पिएसजीले नाइकबाट ७० मिलिन युरो कमाइ गरेको थियो ।

Related posts

सुरु भयो धमाका २०७९ अष्ट्रेलिया टूर, सात शहरमा कार्यक्रम हुँदै

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

विदेशबाट नेपाल आउने स्वदेशी तथा विदेशीसँग खोप कार्ड भए पीसीआर रिपोर्ट नचाहिने

Manoj Poudyal

न्याभ एक्सिलेन्सी अवार्ड हुँदै, मनोनयन फारम भर्ने अन्तिम मिती ६ मार्च सम्म

Manoj Poudyal

नायक पल शाहविरुद्ध नाबालिगमाथि यौनजन्य अपराध गरेको आरोपमा जाहेरी दर्ता

Manoj Poudyal

चर्चित लोकगायक तथा कलाकार जयनन्द लामाको निधन

Manoj Poudyal