eNepal

गोलभेडाको मुल्य अचाक्ली मङ्गियो, खुद्रा मुल्य केजीको रु १५० सम्म

काठमाडौं -बजारमा एक महिनाको अन्तरालमा गोलभेडाको मूल्य दोब्बरले वृद्धि भएको छ।

कालिमाटी फलफूल तथा तरकारी बजार विकास समितिले आजका लागि ठूलो गोलभेडाको खुद्रा मूल्य प्रति केजी १ सय १५ रूपैयाँ तोकेको छ। त्यस्तै सानो गोलभेंडाको मूल्य १ सय ५ रूपैयाँ तोकेको छ।

कालिमाटीको तथ्याङ्क अनुसार ठीक एक महिना अघि ठूलो गोलभेडाको मूल्य प्रतिकेजी ६५ रूपैयाँ थियो। त्यस्तै, सानो गोलभेडाको मूल्य प्रतिकेजी ५५ रूपैयाँ थियो।

कालिमाटीमा गोलभेडाको मूल्य १ सय ५ देखि १ सय १५ रूपैयाँसम्म भए पनि उपत्यकाका अन्य खुद्रा बजारमा भने १ सय २० देखि १ सय ३० रूपैयाँसम्म गोलभेडाको बिक्री भइरहेको छ।

शङ्खमुल चोकमा विगत ५ वर्षदेखि तरकारी व्यवसाय गर्दै आएका रामलाल भुसालले थोक बजारमै गोलभेंडाको मूल्य बढेकाले आफूले १ सय २० रूपैयाँका दरले बेचेको बताए।

‘म सँधै कालिमाटीबाट नै तरकारी ल्याउने गर्छु। अहिले कालिमाटीमै गोलभेंडाको मूल्य महङ्गिएको छ’, उनले भने।

गत वर्ष यसै अवधिमा साना–ठूला गोलभेडाको मूल्य कालिमाटीमा प्रतीकेजी ४५ रूपैयाँ रहेको समितिको तथ्याङ्क छ।मागअनुसार आपूर्ति हुन नसक्दा गोलभेंडाको मूल्य महँगिएको व्यापारी बताउँछन्।

केही साताअघि आएको हावाहुरीले हुर्कदै गरेको बालीलाई नष्ट गरेकाले उत्पादनमा ह्रास आएको कालिमिटी फलफूल तथा तरकारी बजार विकास समितिका सूचना अधिकारी विनय श्रेष्ठले बताए।

उनका अनुसार नेपालको कुल मागमा ७० प्रतिशत गोलभेंडा भारतबाट आउँछ भने ३० प्रतिशत आन्तरिक उत्पादनले धानेको छ। हावाहुरीले आन्तरिक र भारतीय दुवै उत्पादनलाई असर परेको उनले बताए।

भारतीय चुनावका कारण पनि अहिले गोलभेंडा मङ्गो भएको उनको भनाई छ। ‘भारतमा भएको चुनावले भारतीय बजारमै गोलभेंडा महङगिएको छ। त्यही मूल्य अनुसार यहाँ आउँदा थप बढेको हो’, उनले भने।

आपूर्ति प्रयाप्त नभइरहेको अवस्थामा बिहे ब्रतबन्धजस्ता शुभकार्य बढी हुने सिजन भएकाले यतिबेला माग भने अत्याधिक रहेको श्रेष्ठले बताए। उनका अनुसार कालिमाटी तरकारी बजारमा दैनिक १२० देखि १३० टनसम्म गोलभेंडा भित्रने गरेको छ।

अबको २ सातापछि गोलभेडाको मूल्य घट्ने श्रेष्ठले बताए। हावाहुरीको वितंडा मच्चिएन भने अहिले हुर्किएका बिरुवाले उत्पादन दिन थाल्नेछ। अर्कोतर्फ भारतीय चुनाव र मतगणना समेत सकिने भएकाले दुई सातापछि मूल्य घट्न सक्ने व्यापारीको अनुमान छ।

Related posts

सुरु भयो धमाका २०७९ अष्ट्रेलिया टूर, सात शहरमा कार्यक्रम हुँदै

Manoj Poudyal

काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहको अग्रता कायमै

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

विदेशबाट नेपाल आउने स्वदेशी तथा विदेशीसँग खोप कार्ड भए पीसीआर रिपोर्ट नचाहिने

Manoj Poudyal

अभिनेता पल शाह आफैं प्रहरीसमक्ष उपस्थित हुँदै

Manoj Poudyal

न्याभ एक्सिलेन्सी अवार्ड हुँदै, मनोनयन फारम भर्ने अन्तिम मिती ६ मार्च सम्म

Manoj Poudyal