२०१९–२० सिजनको फ्रेन्च कप फुटबलको उपाधि पिएसजीले जितेको छ । गत राति भएको फाइनल खेलमा पिएसजीले १०खेलाडीमा सीमित इटियेनमाथि १–० को साँघुरो जित निकाल्दै सिजनको दोस्रो उपाधि पोल्टामा पार्न सफल भयो ।
पिएसजीको साँघुरो जितमा एक मात्रै विजयी गोल नेइमारले गरे । उनले खेल सुरु भएको १४औं मिनेटमै गोल गरेका थिए । अन्ततःपिएसजीलाई उपाधि जित्न त्यही १ गोल नै काफी भयो । उपाधि भिडन्तमा इटियेन खेलको ३१औं मिनेटमै १० खेलाडीमा झरेको थियो ।
उसका खेलाडी लोइन रातो कार्ड खाएर मैदान छाडेका थिए । पिएसजीका केलियन एमबाप्पेमाथि खराब फउल गरेपछि उनलाई सोझैरातो कार्ड दिइएको थियो । एमबाप्पे त्यसैबेला चोटग्रस्त भएर रुँदै मैदान छाडेका थिए । उनले अब युरोपियन च्याम्पियन्स लिगमा अन्तिमआठको खेल गुमाउने खतरा बढेको छ ।
