साँच्चै यो देशमा पसिना र पाखुरी बेचीन्छ
बेच्दा बेच्दै जिन्दगीको आधा हिस्सा पुरै बेचीन्छ
मायाँको नाममा कुमारित्व बेचीन्छ
पैसाको नाममा स्वाभिमान बेचीन्छ
साँच्चै यो देशमा पसिना र पाखुरी बेचीन्छ
रक्सी र सोम रसको नाउमा भर्जीनिटी बेचीन्छ
कमाउने र जोगाउनेको नाममा यौवन बेचीन्छ
देखाउने लहैलहैमा लाग्दा ढाडको मेरुदण्ड बेचीन्छ
पैसाको पछि दगुर्दा दगुर्दा लोग्ने स्वास्नीको काख बेचीन्छ
साँच्चै यो देशमा पसिना र पाखुरी बेचीन्छ
सन्तानको लागि आमाको ममता र मायाँ बेचीन्छ
आमाको सपना पुरा गर्ने सपनामा कैयौं रात अरुलाई बेचीन्छ
मरुभुमीको पथ्थर फुटाउने बहनामा
छोडेर आएको प्रेमीको यौवनको कुण्ठा बेचीन्छ
साँच्चै यो देशमा पसिना र पाखुरी बेचीन्छ।
रास्ट्र र रास्ट्रियताको नाममा देश बेचीन्छ
मरेको लाश देखाएर लोकतन्त्रको पुत्ला बेचीन्छ
आरक्षण र समानुपातीकको खोल ओडेर
जात, धर्म अनि सिमाङ्कनको रेखा बेचीन्छ
साँच्चै यो देशमा पसिना र पाखुरी बेचीन्छ
मनोज पौड्याल
