काठमाडौँ – नेपाल राष्ट्र बैंकले कोरोनाका कारण नेपाली अर्थतन्त्रमा १ खर्ब ६८ अर्बको क्षति भएको अनुमान गरेको छ । संसदको अर्थ समितिको सोमबारको बैठकमा राष्ट्र बैंकका गभर्नर महाप्रसाद अधिकारीलेले क्षतिको प्रारम्भिक अनुमान प्रस्तुत गर्नुभएको हो । उहाँका अनुसार कोरोनाको सबैभन्दा बढी प्रभाव होटल, रेष्टुरेन्ट, यातायात र व्यापार क्षेत्रमा परेको छ ।
अधिकारीले आर्थिक बृद्धि सरकारले यसअघि आंकलन गरेको २ दशमलव २७ प्रतिशतभन्दा तल झर्न सक्ने समेत बताउनुभयो । कोरोना रोकथाम तथा नियन्त्रणका लागि गत चैत ११ गतेदेखि जारी लकडाउनका कारण अर्थतन्त्र नराम्ररी प्रभावित भएको छ । असार १ गतेदेखि लकडाउन खुकुलो पारिएपनि अर्थतन्त्रले गति लिन सकेको
