हिन्दुहरुको महान पर्व बडा दशैंको शुअवसर पारेर मेल्बोर्नमा अवस्थित नमस्ते ईभेन्ट्सको आयोजनामा दशैं साँझ २०१६ एक बिशेष कार्यक्रमहरुको बिचमा हिजो सम्पन्न भएको छ। स्थानीय ईस्टोनियन हाउसमा दर्शकहरुले खचाखच भरिएको हलमा नेपाली हाँस्य व्यङ्ग्य सम्राट मनोज गजुरेलको रमाईलो प्रहसन अनि गायीका ईन्दीरा जोशीको लोकप्रीय गीतहरुबाट करिब ४ घण्टा दर्शकहरुले भर्पुर मनोरन्जन लिएका थिए।
मनोज गजुरेलको सदाझैं राजनैतिक अनि सामाजिक घोचपेच र तिखा व्यङ्ग्य अनि बिभीन्न राजनितीज्ञहरुको नक्कललाई दर्शकहरुले तालीका साथमा पुर्ण सम्रथन जनाएका थिए।
त्यस्तै गरेर गायीका ईन्दीरा जोशीका आफ्ना केही मेलोडीयस् गीतहरु सुरुवातमा पस्केकि थिन्। उनलाई बसेरनै दर्शकहरुले साथ दिएका थिए।।दोस्रो सँस्करणमा उनले आफ्ना केही हिट गीतहरु गाएर हलको महोल एकाएक तताएकी थिईन्। चौवन्दी चोलो अनि रातो घाँघरा, उद्रेको चोली अनि ठुली गीतहरु प्रस्तुत गरेकी थिईन्। उद्रेको चोली छ है दर्शकहरुको आग्रहमा दुई चोटी नगाई सुखै पाईनन्।गाउनमा उनी पोख्त त छँदै छिन् यसको अलावा उनको स्टेज पर्फर्मेन्स झन् हेर्न लाएकको हुन्छ।उनी नृत्यमा पनि पाङ्गत भएकोले पनि हुन सक्छ उनमा दर्शकलाई नचाउँने खुबी छ भन्दा गलत नहोला।पहिलो नेपाली ताराबाटनै राम्रो छाप छोड्न सफल गायीका ईन्दिरा जोशीको यो मेल्बोर्नमा लागि चौथो कार्यक्रम रहेको जनाएकी थिईन्।