स्पेनिस महारथी रियल म्याड्रिड स्पेनिस ला लिगाअन्तर्गत घरेलु मैदान अल्फ्रेडो डी स्टेफानो मैदानमा मालोर्कालाई पराजित गर्दैलिग तालिकाको शीर्षस्थानमा उक्लिएको छ । बुधबार रातिको खेलमा रियल २–० ले विजयी रहयो ।
खेलको सातौं मिनेटमा नै मालोर्काका कप्तान तथा गोलरक्षक मानोलो रेइनाले एक मिनेटको अन्तरमा दुई उत्कृष्ट बचाउ गर्दै खेलबराबरीमा नै राखे । करीम बेन्जेमाले पेनाल्टी क्षेत्रभित्र छातीले बल नियन्त्रण गर्दै गरेको प्रहार रेइनाले विफल पारेका थिए । लगत्तै बेललेलामो दुरीबाट गरेको प्रहार पनि उनले बचाए ।
खेलको ११ औं मिनेटमा मालोर्काका इद्रिसा बाबाले पेनाल्टी क्षेत्र बाहिरबाट गरेको प्रहार रियलका गोलरक्षक थिबाउट कोर्टुवाले डाइभदिँदै विफल पारे ।
खेलको १९ औं मिनेटमा रियलले युवा विंगर भिनिसियस जुनियरको गोलमा अग्रता लियो । लुका मोड्रीचले अफसाइड ट्रयाप बिट गरेरदिएको पासलाई भिनिसियसले ६ यार्ड बक्स नजिकबाट गोलरक्षकको माथिबाट चिप गरेका थिए ।
२४ औं मिनेटमा भिनिसियस रियल म्याड्रिड र व्यक्तिगत दोस्रो गोल गर्नबाट बन्चित रहे । बेन्जेमाको थ्रु पासलाई भिनिसियसलेगोलरक्षकको माथिबाट चिप प्रहार गरेपनि बल क्रसबारमा लाग्दै फर्किएको थियो । फर्केर आएको बललाई उनले डिफेन्डरसँग जुध्दैहेडरमार्फत गोल गर्न भने सकेनन् ।
२७ औं मिनेटमा इडेन हाजार्डको प्रहारले पोस्टको दिशा लिन सकेन । ४२ औं मिनेटमा मोड्रीचको फ्रिकिकलाई गोलरक्षक रेइनाले पन्चगरेर खतरा टारे । पहिलो हाफमा रियलले १–० को अग्रता लिएको थियो ।
दोस्रो हाफको ५१ औं मिनेटमा भिनिसियसको थ्रु पासमा बेन्जेमाको प्रहारलाई गोलरक्षक रेइनाले दोस्रो प्रयासमा समाए । तर त्यसकोकेहि मिनेटपछि नै रियलले अग्रता दोब्बर पार्यो । कप्तान सर्जियो रामोसले फ्रिकिकमा सिधै गोल गर्दै रियललाई बलियो स्थितिमा पुर्याए। रामोसले झन्डै २५ यार्ड टाढाबाट गरेको फ्रिकिक प्रहार टप कर्नरमा गोल भएको थियो ।
६३ औं मिनेटमा टाकेफुसा कुबोले एकल प्रयासमा उत्कृष्ट मुभ बनाएपनि अन्त्यमा उनको प्रहारले पोस्टको बाहिरि भाग भेटेको थियो । ८२औं मिनेटमा मालोर्काका यानिस सालिबुरको फ्रिकिकले पोस्टको दिशा लिन सकेन । ९० औं मिनेटमा रियलका ब्राहिम डियाजकोप्रहारलाई रेइनाले डाइभ दिँदै बचाए ।
यस जितसँगै रियल म्याड्रिड अंक तालिकाको शीर्षस्थानमा उक्लिएको छ । रियल र बार्सिलोना दुवैको ३१ खेलमा समान ६८ अंक रहेकोछ । हेड टु हेडको आधारमा रियलले बार्सिलोनालाई उछिनेको हो । मालोर्का भने ३१ खेलमा २६ अंकसहित रेलिगेसन क्षेत्रमा नै अड्केकोछ ।
