एजेन्सी,
इटालीको नकआउट क्लब फुटबल प्रतियोगिता कोपा इटालियाअन्तर्गत सेमिफाइनल र फाइनल खेलको मिति तय भएको छ ।इटालीको फुटबल संघले औपचारिक रूपमा प्रतियोगिता सुचारु गर्ने घोषणा गरेको हो । यसअघि सो प्रतियोगितामा सेमिफाइनलचरणका खेल खेल्दै गर्दा कोरोना भाइरस महामारीका कारण स्थगित भएको थियो ।
हाल प्रतियोगितामा सेमिफाइनलका होम एन्ड अवे लेगमध्ये पहिलो लेगका खेल सकिएर दोस्रो लेगका खेल बाँकी छन् । जसमा एसीमिलानले आफ्नो घरमा युभेन्टससँग १–१ को बराबरी खेलेको छ भने नापोलीले इन्टर मिलानलाई उसकै घरमा ०–१ ले हराएको छ ।
संघले कोपाका सेमिफाइनल र फाइनल खेलको मिति एकैपटक तय गरेको हो । जसअनुसार जुन १२ र १३ मा सेमिफाइनलका खेलहुनेछन् भने जुन १७ मा फाइनल खेल हुनेछ । जुन २० बाट शीर्ष लिग सिरी ए सुचारु हुने हुँदा त्यसअघि नै कोपा सकाउन लागिएको हो ।
जसमा जुन १२ तारिखमा युभेन्टस र एसी मिलानको खेल हुनेछ । यो खेल युभेन्टसको घरेलु मैदानमा हुनेछ । त्यसपछि अर्को दिन जुन १३मा नापोली भर्सेस इन्टर मिलानको खेल हुनेछ । यो खेल नापोलीको घरेलु मैदानमा हुनेछ । यी सबै खेल दर्शकबिना खाली रंगशालामाकडा प्रोटोकल पालना गरेर आयोजना गरिनेछ ।
नेपाली मितिअनुसार आजको ७ दिनपछिबाट इटालीमा फुटबलको रौनक फर्किंदैछ । जसमा सिरी ए लिगका दुई बलिया टिम युभेन्टस रएसी मिलानको रोमाञ्चक भिडन्तबाट फुटबल फर्किनेछ । संघले खेलको मिति तय गरे पनि समय पनि तय गर्न बाँकी छ ।
