एजेन्सी – फ्रेन्च क्लब पेरिस सेन्ट जर्मेन (पीएसजी) ले ट्रान्सफर बजारमा कुनै क्लबले खरिद गर्न चाहे आफ्ना ब्राजिली स्टार फरवार्डनेयमारको रिलिज क्लज १५५ मिलियन पाउन्ड राखेको छ ।
नेयमारको नाम पछिल्लो समय क्याटलान क्लब बार्सिलोनासँग जोडिएको छ । बार्सिलोनाले आफ्ना पुर्व फरवार्ड नेयमारलाई यो समरमाअनुबन्ध गर्ने योजना बनाएको छ । नेयमारसँग अझैपनि लियोनेल मेस्सी र लुइस सुआरजेको राम्रो सम्बन्ध रहेको छ । एक समयबार्सिलोनाको अग्रपङ्ति मेस्सी, सुआरेज र नेयमार (एमएसएन) ले तहल्का मच्चाएको थियो ।
बार्सिलोनाको प्रस्तावको अपेक्षा गरेर नै नै पीएसजीले नेयमारको रिलिज क्लज राखेको हो । यस्तै पीएसजीले १५५ मिलियन पाउन्ड खर्चगरेमात्रै नेयमार दिने र त्यसमा अन्य कुनै खेलाडी साटफेर नहुने जनाएको छ । पीएसजी नेयमारसँग अन्य कुनै खेलाडी सम्झौताको अंशचाहदैन ।
नेयमारलाई अनुबन्ध गर्न अर्काे स्पेनिस क्लब रियल म्याड्रिडले पनि चासो देखाइरहेको छ । नेयमार सन् २०१७ मा बार्सिलोनाबाटैविश्वकीर्तिमानी २२२ मिलियन युरोमा पीएसजी पुगेका थिए । पीएसजी पुगेको पहिलो सिजन नै नेयमारले फ्रान्स छाड्ने योजनाबनाइरहेपनि सफल हुन सकेको छैन ।
फ्रान्स पुगे लगत्तै नेयमार लगातार चोटसँग जुधिरहेका छन् । फ्रेन्च लिग वानमा पीएसजीको सम्भावित १०३ खेलमा नेयमारले मात्रै ५२खेल खेल्दै ४७ गोल गरेका छन् । पीएसजीका लागि ८० खेल खेल्दा ६९ गोल गरेका छन् । पीएसजीले यसै साता अर्जेन्टिनी फरवार्डमाउरो इकार्डीलाई स्थायी अनुबन्धन गरेपछि नेयमारले क्लब छाड्ने सम्भावना बढेको छ ।