एजेन्सी, जेठ २२
इटालियन क्लब युभेन्टसका प्रमुख फरवार्ड क्रिस्टियानो रोनाल्डोलाई कोरोना भाइरस रोकथामका लागि गरिएको लकडाउनले झनैफाइदा पुगेको छ । हाल ३५ वर्ष पुगे पनि उनी क्लबका सबैभन्दा फिट खेलाडी बनेका छन् । यो कुरा क्लबले गरेको खेलाडीको स्वास्थ्यतथा फिटनेस जाँचको रिपोर्टबाट खुलेको हो ।
कोरोनापछि फुटबल सुचारु हुनुअघि युभेन्टसले सिनियर टोलीका आफ्ना सबै खेलाडीको फिटनेसको स्तर मापन गर्न स्वास्थ्य जाँचगरेको थियो, जसमा रोनाल्डो कोरोना भाइरसअघिको तुलनामा झनै फिट देखिएका छन् । परीक्षणअघि रोनाल्डोले अन्य सहकर्मीभन्दाकरिब ४ घन्टाअघि नै प्रशिक्षणस्थल पुगेर तयारी गरिरहेका थिए । जाँचअघि व्यक्तिगत प्रशिक्षण गरेर मात्रै उनी क्लबको टेस्टमासहभागी भएको इटालियन मिडियाले जनाएका छन् ।
क्लबले आफ्ना खेलाडीको फिटनेसको स्तर मापन गरेको नतिजा अफिसियल वेबसाइटमा सार्वजनिक गर्दै रोनाल्डो सबैभन्दा ठीक रफिट अवस्थामा रहेको जनाएको छ । साथै, क्लबले रोनाल्डोको फिटनेसमा यसअघिको तुलनामा उल्लेख्य सुधार आएको पनि जनाएकोछ । क्लबका सबै खेलाडी फिट रहेको र उनीहरू मैदान उत्रिन तयार रहेको पनि क्लबले जनाएको छ ।
लकडाउनभरि रोनाल्डो पोर्चुगलमा र इटाली फर्किएर होम क्वारेन्टिनमा रहे पनि उनले नियमित रूपमा कसरत र प्रशिक्षण गरिरहेका थिए। आफूले दैनिक रूपमा कसरत तथा प्रशिक्षण गर्दाका तस्बिर र भिडियो उनले सामाजिक सन्जालबाट पनि सार्वजनिक गर्दै आएका थिए। लगातारको कडा मेहनतका कारण उनी फुटबल सुचारु हुन लाग्दा उच्च फिटनेसमा देखिएका छन् ।
रोनाल्डोले क्लबसँग लकडाउनभरि आफूले बेग्लै तालिका बनाएर प्रशिक्षण गर्ने गरेको बताए । साथै, उनले सधैंभन्दा खानपान र अन्यसावधानीमा पनि विशेष ध्यान दिएको क्लबका मेडिकल टोलीसमक्ष बताएका थिए ।
रोनाल्डो जुन १३ मा कोपा इटालियाअन्तर्गत सेमिफाइनल एसी मिलानविरुद्ध हुने दोस्रो लेगको खेलबाट पुनरागमन गर्दैछन् । यसअघिभएको पहिलो लेगको खेल १–१ को बराबरीमा सकिएको छ । सो खेलको सेमिफाइनल र फाइनल खेल सिरी ए सुचारु हुनुभन्दा अघि नैसकिनेछ ।
