एजेन्सी— वेस्टइन्डिज क्रिकेट बोर्डले अर्को महिना इंग्ल्यान्डसँग खेल्ने तीन टेष्ट सिरिजको लागि आफ्नो १४ सदस्य टोली घोषणा गरेकोछ । बुधबार जेसन होल्डरको कप्तानीमा २ नयाँ अनुहार समेट्दै वेस्ट इन्डिजले टोली घोषणा गरेको हो । त्यस्तै सिरिजका लागि ११रिजर्भ खेलाडी पनि घोषणा गरेको छ ।
मध्यक्रमका ३१ वर्षिय नक्रमाह बोनर पहिलो पटक टेष्ट टोलीमा परेका छन् । बोनरले वेस्टइन्डिजको टि२० आई टोलीमा भने सन् २०११मा इंग्ल्यान्डविरुद्ध डेब्यु गरेका थिए । २०१२ मा अष्ट्रेलियासँग खेले यता वेस्ट इन्डिजको टोली बाहिर रहँदै आएका थिए । जमैकाबाटघरेलु क्रिकेट खेल्ने बोनरले पछिल्लो समय निरन्तर उत्कृष्ट प्रर्दशन गर्दै आएका छन् । उनले २०२० मा वेस्टइन्डिज च्याम्पियनसिपमा ७खेलमा ५ सय २३ रन जोडेका थिए ।
२२ वर्षिय तीब्र गतिका बलर चेमार होल्डर पहिलो पटक टोलीमा परेका हुन् । होल्डरले घरेलु क्रिकेटमा निरन्तर उत्कृष्ट प्रर्दशन गर्दैआएका छन् । उनले १९ प्रथम श्रेणीमा ७६ विकेट लिएका छन् । ड्यारेन ब्राभो, शिम्रन हेटमायर र किमो पल भने बाहिरएका छन् । वेस्टइन्डिजको टोली जुन ९ मा इंग्ल्यान्डको म्यानचेस्टर आइपुग्ने बताईएको छ । त्यसपछि टोली ओल्ड ट्राफर्ड मैदानमा तीन हप्ताक्वारेन्टिनमा बस्नेछ । तीन टेष्ट सिरिजको खेल तालिका र स्थानबारे इंग्ल्यान्ड क्रिकेट बोर्डले सरकारसँग प्रस्ताव गरिसकेको छ ।
सिरिज आधिकारिक रुपमा इंग्ल्यान्ड सरकारबाट स्वीकृती हुन बाँकी रहेको छ । सबै खेल बन्द रंगशालामा हुने छन् । इंग्ल्यान्ड र वेस्टइन्डिजबीचको खेलसँगै मार्च १७ पछि पहिलो पटक अन्तर्राष्ट्रिय क्रिकेट खेल हुने छ । विश्वभर फैलिएको कोरोना भाइरस (कोभिड१९) कारण मार्च १७ पछि अन्तर्राष्ट्रिय क्रिकेट जगत ठप्प छ । पछिल्लो समय टोलीहरु प्रशिक्षणमा फर्किन थालेका छन् । वेस्ट इन्डिज, श्रीलंका, इंग्ल्यान्ड लगायतका देशले प्रशिक्षण सुरु गरेका छन् ।
प्रस्तावित खेल तालिका :
पहिलो टेष्ट: जुलाई ८—१२, साउथह्याम्पटन
दोस्रो टेष्ट : जुलाई १६—२०, म्यानचेस्टर
तेस्रो टेष्ट : जुलाई २४—२८, म्यानचेस्टर
इंग्ल्यान्ड भ्रमणको लागि वेस्ट इन्डिजको टोली :
जेसन होल्डर (कप्तान), जेर्मेन ब्ल्याकवुड, नक्रमाह बोनर, क्रेग ब्रेथवेट, शम्राह ब्रूक्स, जोन क्याम्पबेल, रोस्टन चेश, रहकीम कर्नवाल, शेनडोरविच, चेमार होल्डर, शाई होप (विकेटकिपर), अल्जारी जोशेफ, केमार रोच र रेमोन रिफर