eNepal

“मोज छ यार त लाई!”त्यो पनि कुरै हो?

बोध राज बराल/बेलायत

जेठ २१-अमेरिका को के कुरा गर्नु, मूला एउटा पटमूर्ख प्रहरी ले एउटा काले ब्रो लाइ अपराध गरेको को शंका मा घुँडा ले उसको घाँटी थिचेर मरणासन्न बनायो र अस्पताल लैजाँदा लैजाँदै उ मर्यो, अहिले देश भरि आन्दोलन छ, त्यहाँ मात्र नभएर बेलायत सम्म फैलिसक्यो, #BlackLifeMatters भनेर!  सबैको #LifeMatters!

बेलायत सरकारले पनि हिजो देखि एउटै घरमा सँगै नबसेका दुइ मनुष्य एक अर्काको घरमा चाहिं जान पाउने, बगैंचामा बसेर दूरी राखेर खानपिन पनि गर्न पाउने तर यौन क्रिडा भने गर्न नपाउने गरि प्रतिवन्ध लगाएको छ, लौ भन्नुस् अब प्रहरी ले कसरि ठम्याउने कि ती दुइ प्राणी एक आपसमा यौन क्रिडा गर्दैछन वा बगैंचा मा दूरी राखेर चियापान मात्र गर्दैछन भनेर!  रङ्गे हात प्रहरीले कसरि समात्ने, घर भित्र यौनक्रिडा गर्दै गरेकालाई, के प्रहरीले ढोका ढक ढक गर्यो भने तपाईं ले नाङ्गै बुङ्गै ढोका खोल्नु हुन्छ वा चिटिक्क परेर कपडा लगाएर, दूरी राखेर पछाडिको बगैंचा मा अर्कोलाई राखी सकेर मात्र खोल्नु हुन्छ? प्रहरीलाई यस्तो द्विविधा किन बनाउन पर्थ्यो।

नेपालमा झन् पूर्व गभर्नर बाट अर्थमन्त्री बनेका विद्यावारिधि खतिवडा ब्रो ले व्यावसाय संचालन गर्न चाहिं नदिने लकडाउन भनेर तर आयकर भने तिर्न पर्छ भनेर कर गरेका छन्, व्यवसायी ले बैंक लुटेर तिर्ने वा कसरी तिर्ने, विद्यावारिधि विवेक ले आवश्यक सुझाव भने दिएका छैनन्।  बरु राष्ट्रपति ले आफू गुन्द्री मा जन्मे हुर्के पनि यहि मौका मा करोडौं को कार्पेट फेर्छु भनेकी छन्, बहादुर हुन् उनी, उनलाइ सयौं किलोमिटर परको सुदुर पश्चिमका छाउपडी गोठमा क्वारेन्टाइन का लागि आइसोलेसन मा बसेका जनता र स्याउलामा बसेर पढ्दै गरेका विद्यार्थी का आवश्यकता सँग मतलव हुने कुरै भएन, हामीले देख्ने संजाल को फोटो उनलाई कसैले देखाई दिए पो थाहा पाउनु!

अब यस्तो चिन्तै चिन्ता ले चिता पुग्ने डर भैसक्यो, यस्तो स्थिति बीच कसरी प्रसन्न हुनु, तपाईं आफै भन्नुस् त! तर पनि मेरा साथी हरु भन्छन्, “मोज छ यार तँ लाइ!” त्यो पनि कुरै हो?  शायद तपाईं लाइ चाहिं मोज छ होला, वधाई!! शुभ दिन!

Related posts

सुरु भयो धमाका २०७९ अष्ट्रेलिया टूर, सात शहरमा कार्यक्रम हुँदै

Manoj Poudyal

ग्रामपियन्स यात्रा सस्मरण- ग्रामपियन्स जंगलमा ॐकार ध्वनिको गुन्जन

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

विदेशबाट नेपाल आउने स्वदेशी तथा विदेशीसँग खोप कार्ड भए पीसीआर रिपोर्ट नचाहिने

Manoj Poudyal

न्याभ एक्सिलेन्सी अवार्ड हुँदै, मनोनयन फारम भर्ने अन्तिम मिती ६ मार्च सम्म

Manoj Poudyal

नायक पल शाहविरुद्ध नाबालिगमाथि यौनजन्य अपराध गरेको आरोपमा जाहेरी दर्ता

Manoj Poudyal