eNepal

लन्डनबाट नेपाल छुट्टी मनाउन गएका युवाको हत्या

लन्डनबाट होलिडे गएका एक युवाको नेपालमा हत्या भएको छ ।

इटहरी उपमहानगरपालिका २० तरहरा निवासी २८ वर्षीय रादन राईको सामान्य विवादका क्रममा हत्या भएको हो ।

१९ वर्षीय अभिषेक केसी, २३ वर्षीय अभिषेक पौडेल र मोरङ कानेपोखरीका २० वर्षीय प्रज्ज्वल तामाङले राईको गत आइतबार हत्या गरेको छिमेकी नेकपा जिल्ला कमिटी सदस्य समाजसेवी कमला खड्काले नेपाली लिंकलाई जानकारी दिइन् । इलाका प्रहरी कार्यालयले हत्या आरोपमा तीनै जनालाई पक्राउ गरेको छ ।

स्वर्गीय राईकै घरमा बसेर मादक पदार्थ पिइरहेका उनीहरु केही बेरपछि बजार निस्किएका थिए । बजारमा सामान्य विवादपछि आक्रोशित युवाले पछि राई घर फर्कने क्रममा एकता टोलमा बाटो छेकेर बांसको लठ्ठी र छुरा रोपेका थिए ।

घाइते राईको वीपी कोइराला स्वास्थ्य विज्ञान प्रतिष्ठान धरानमा उपचारका क्रममा मृत्यु भएको प्रहरीले जनाएको छ । घट्नाका मुख्य नाइके भनिएका प्रज्वल तामाङ, अभिषेक पौडेल र अभिषेक केसी विगतमा लागूऔषध सेवनमा संलग्न भएको प्रहरी भनाइ छ ।

अवकासप्राप्त ब्रिटिश आर्मी भिमबहादुर राईका कान्छा छोरा राई लन्डन हन्स्लो बस्थे । राई एक महिना बिदामा नेपाल जांदा लकडाउनले रोकिएका थिए । स्वर्गीय राई बिहेको तयारीमा समेत रहेको पारिवारिक श्रोतले जनाएको छ ।

लोकतन्त्र र न्यायका लागि आमा समूह सुनसरीकी संस्थापक अध्यक्ष खड्काले राईको हत्या दुःखद भएको बताउंदै श्रद्धान्जलि र समवेदना व्यक्त गरेकी छन् । उनले दोषीमाथि कडा कारवाहीको माग समेत गरिन् ।

यो समाचार नेपाल लिङ्कबाट साभार गरिएको हो

Related posts

सुरु भयो धमाका २०७९ अष्ट्रेलिया टूर, सात शहरमा कार्यक्रम हुँदै

Manoj Poudyal

काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहको अग्रता कायमै

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

विदेशबाट नेपाल आउने स्वदेशी तथा विदेशीसँग खोप कार्ड भए पीसीआर रिपोर्ट नचाहिने

Manoj Poudyal

अभिनेता पल शाह आफैं प्रहरीसमक्ष उपस्थित हुँदै

Manoj Poudyal

न्याभ एक्सिलेन्सी अवार्ड हुँदै, मनोनयन फारम भर्ने अन्तिम मिती ६ मार्च सम्म

Manoj Poudyal