eNepal

रुकुम हत्याकाण्ड, बाहुनवाद, झोवा विक र ‘नव सामन्तवाद’ !

मैले नेपाली भाषा बोल्न ३/४ कक्षा पछि सिकेको हुँ । मेरी आमालाई अहिले पनि आउँदैन नेपाली बोल्न। बैतडी, बाजुरा, हुम्ला, कालिकोटतिरका आधाभन्दा बढीलाई न त तिमिहरुको जस्तो ‘स्डान्डर्ड’ नेपाली आउँछ, न उनीहरुलाई काठमाण्डु, नेपाल, नीति नियम थाहा छ । गणतन्त्रले नेपाली जनताको मनोबल बढाएको छ । संघीयताका धेरै वेफाइदाबीच पनि यसले दूरदराजलाई राज्य चिनाउँदैछ । तर यहाँ काठमाण्डुमा एउटा USAID/UKAID/DFID प्रशिक्षित शोषक जमात छ जसलाई रुकुममा युवकहरुको हत्यामा ‘बाहुनवाद’ देखिन्छ, माननीय झोवा विकको संसद संवोधनमा हाँसो उठ्छ र संसदमा महेन्द्र राय यादवले भाषण गर्दा उसलाई विहारी देख्छ । यीनीहरुलाई फेशबुकमा लाईक र ‘प्रगतिशीलताको पहिचान’ चाहिएको छ । सिंगो नेपाल चाहिएको छैन ।

 

झोवा विकलाई जसले मजाकमा उडाइरहेका छन् । एउटी साहसिक, इमान्दार महिला नेतृ त्यो पनि तिमिहरुकै भाषामा दलित, उनलाई काठमाण्डुको सभ्य समाजले जसरि हाँसोको पात्र बनाएको छ यो अति दुःखद छ ।

अचम्म त के छ भने माननीय झोवा विकको बोलीमा हाँसो उडाउने तिनै छन जसलाई अस्ति रुकुमको घटनाको कारण ‘ब्ह्रामणवाद’ हो भन्ने लाग्छ । अस्ति जुन सामन्ति मानसिकताका ‘सत्तारुढ माउवादी’ले ती युवकहरुको हत्या गरे, तिनिहरुको सामन्तवाद र फेशबुकमा झोवा विकलाई ट्रोल गर्नेहरुको सामन्तवादमा रत्तिभर फरक छैन । न त रुकुम घटनामा ‘हिन्दु धर्म/व्ह्रामण समुदाय’ दोषि थियो न त झोवा विकलाई माननीय बन्ने अवशर दिने गणतन्त्र दोषि छ । दोषि हामी मानिसभित्रको ‘पाखण्ड’ हो । फेशबुकमा सजिलै रुकुम घटनामा बाहुनबाद देख्ने र झोवा विकलाई गवाँर देख्ने एकै मानसिकताका मान्छे हुन् ।

म बैतडीको त्यस्तो गाउँमा जन्मेको हुँ जहाँ तिन तिर क्षेत्रीहरु एकतिर दलितहरु र बीचगाँउमा एक परिवार गरीब बाहुन । त्यहाँ को दलित थियो र को शोषक थियो मैले भोगेको छु । मेरो गाउँका जो शोषक थिए ती ‘शासक’ थिए, अहिले रुकुममा ६ जना युवा मार्ने कोही मन्दिरका पुजारी र यजमानी गर्ने बाहुन थिएनन् । सामन्तवाद विरुद्ध लड्छु भनेर सत्तामा पुगेका  माउवादी ठाकुरहरु थिए । यीनीहरु अहिलेका सामन्तवादी हुन् । नव सामन्तवाद नयाँ शासकहरुमा छ । सधैँ शासक सामन्ती हुन्छ कुनै बेला बाहुन थिए होला । अहिले हरेक राजनीतिक घटनालाई, हरेक अपराधका घटनालाई जात र धर्मको खोल लगाएर छुट्कारा पाउने र सानो तहमा भएपनि भैरहेको महिला, दलित, पिछडिएका वर्गको शसक्तिकरणलाई हाँसोमा उडाउनेहरुको पाखण्ड नयाँ नेपालको अवरोध हो । हिन्दु धर्म र बाहुन नयाँ नेपालका अवरोध हैनन् ।

Writer: Hari prasad Bhatt

Related posts

ग्रामपियन्स यात्रा सस्मरण- ग्रामपियन्स जंगलमा ॐकार ध्वनिको गुन्जन

Manoj Poudyal

काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहको अग्रता कायमै

Manoj Poudyal

दिदीबहिनी समाज भिक्टोरीयाले यस बर्षको अन्तर्राष्ट्रिय महिला दिवस बिशेष तरिकाले मनायो

Manoj Poudyal

विदेशबाट नेपाल आउने स्वदेशी तथा विदेशीसँग खोप कार्ड भए पीसीआर रिपोर्ट नचाहिने

Manoj Poudyal

अभिनेता पल शाह आफैं प्रहरीसमक्ष उपस्थित हुँदै

Manoj Poudyal

नायक पल शाहविरुद्ध नाबालिगमाथि यौनजन्य अपराध गरेको आरोपमा जाहेरी दर्ता

Manoj Poudyal