बाध्यता नै होला खाडीमा चौकिदार भाको
पैसा-पैसा भन्दा भन्दै चाहनाको हार भाको
आफ्नै ठाउँमा गर्दा हुन्छ तेहि भन्छ दुनियाँ
खर्च चल्न छाडेर त सात-समुन्द्र पार भाको
चल्न सक्नेसम्म हुन्न खाडी छिर्ने रहर हाम्रो
नचाहेरै घोप्टेको श्रमिक किन्ने बजार भाको
रहर त पक्कै छैन बुझ्ने कसले बाध्यतालाई
देख्दैन्न आम्दानि भन्दा खर्चको भार भाको
खाडिको कमाईले जोड्न त त्यस्तै हो मित्र
मात्र घरब्यबहार चल्ने चलाउने सार भाको
रगत पसिनाको कमाईले उत्तम भएरै होला
देशलाई पनि कामदार बेच्ने व्यापार भाको
माधव अधिकारी
